Azken egunetako anomaliaren ondoren, berriro bueltan da euskal udaberria. Aste honetan hodeiak nagusi izango dira, bai eta euri txikiak ere. Egunaren amaieran izango da euria izateko probabilitate handiena. Dena dela, metatutako beroa atzoko ekaitzean askatu zenez, gaur ez da espero euriteek ekaitz izaera izango dutenik. Haize zakarrarekin batera lagunduta etor daitezke euri horiek. Tenperaturak dezente jaitsiko dira: 9 eta 17 gradu artekoak izango dira.
Bihar termometroek are gehiago egingo dute behera: 6 eta 13 gradu artekoak espero dira. Gainerakoan, zerua hodeitsu mantenduko da, eta euria egiteko aukera handia izango da egunean zehar, euri arinak izango badira ere. Haizeak iparretik joko du, zenbaitetan gogor.