Osasun Sailak jakinarazi berri duenez, tximino baztangaren lehen kasua izan daitekeena atzeman dute. Arabako Unibertsitate Ospitalean artatu dute gizona, eta sintoma larririk ez duenez, ez dute ospitaleratu behar izan. Bi edo hiru egun barru baieztatuko dute tximino baztanga ote den. Antza, bidaia batetik itzuli ondoren hasi da baztangak dituen antzeko sintomak izaten: sukarra, mialgiak, adenopatiak eta eskuetan eta aurpegian erupzioak.
Jakinarazi dutenez, gaixoari jarraipena egingo diote, eta inguruko lagunak aztertuko dituzte."Euskadik Alerta eta Larrialdi Sanitarioak Koordinatzeko Zentroarekin koordinatuta lan egiten du kasu susmagarri horiek aztertzeko, eta baieztapenaren zain egon beharko du". Hemendik aurrera, baieztatutako kasuen berri emango dute.