Alavesek agur esan die Lehen Mailari eusteko geratzen zitzaizkion aukera guztiei. Levanteren aurkako partidaren lehen minutuetan, Arabako taldeak miraria posible zela erakutsi zuen, markagailua 0-1 emaitzarekin estreinatuz.
Hala ere, partidak aurrera egin ahala, Alaveseko jokalariak adoregabetuz joan ziren, eta Levantek buelta eman zion markagailuari, 3-1 emaitza lortuta.
Horrela, sei denboraldi Lehen Mailan eman ostean, datorren denboraldian Bigarren Mailan jokatu beharko du berriz ere Arabako taldeak.
Taldearen Administrazio Kontseiluak bere gain hartu ditu "inork espero ez zuen emaitza ekarri duten akatsak". Bere aldetik, presidenteak deitoratu du "Mendizorrotzean jardunaldi bakoitzean taldeari indar guztiekin lagundu dioten zaleen etsipena".
𝗙𝗟𝗔𝗦𝗛 | Laguardia: "Toca vivir la parte mala y pedir disculpas".#LevanteAlavés #GoazenGlorioso 🦊 pic.twitter.com/c2okAR7LfG
— Deportivo Alavés (@Alaves) May 15, 2022