Hil egin da asteazkenean Aramaion lan istripua izan zuen behargina

Goizeko hamaikak pasata gertatu zen lan istripua. / Goiena

Nardeaga kaleko etxe bateko fatxadan lanean ari zela bigarren pisutik erori zen

Oñatiko langile batek lan istripu larria izan zuen asteazken goizean Aramaion. Nardeaga kaleko etxe bateko fatxadan lanean ari zela bigarren pisutik erori zen, eta buruan kolpea hartu zuen. Minutu gutxira jaso zuen Eusko Jaurlaritzako Segurtasun Sailak abisua, eta larrialdi zerbitzuak istripuaren lekura joan ziren. Ia ordubetez izan ziren zauritutako langilea artatzen, eta egoera egonkortu zutenean, Gasteizko Santiago ospitalera eraman zuten.

Goiena-k jakinarazi duenenez, baina, ostegunean hil da oñatiarra zauri larrien ondorioz. Lanean hil den 27. langilea da hau, LAB sindikatuak egindako kontakizunaren arabera.

 

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide