Goizean goizeko lanbroekin hasi da eguna, eta bihar ere egoera berdina errepikatuko omen da. Horiek altxatzean, baina, ez da giroa gehiegi argituko, zerua tarteka hodeitsu egongo baita. Goizaldean eta azken orduetan mendebaldetik joko du Eolok, ahul, baina arratsaldean iparreko osagaia hartuko du, eta orduan zertxobait zakartu ahal izango da. Tenperatura jasangarriak izango ditugu, 7 eta 14 gradu artekoak.
Biharko, antzeko agertokia espero da, baina arratsaldean hodeiak gutxituko direlakoan dago Euskalmet. Haizeak gehienbat iparretik joko du, eta orduan ere indartsuago ibiliko da arratsaldez. Tenperaturetan, aparteko aldaketarik ez: 7 eta 15 gradu artean arituko da galinstanoa.