Bigarren mailako errepide sarean bide zorua hobetzeko lanak egiteko 706.000 euroko kontratua onartu du gaur Arabako Aldundiko foru kontseiluak. Aldundiak aurreratu du orotara zeregin horretarako "milioi euro baino gehiago" bideratuko duela, "bide horien erabiltzaileen segurtasuna eta erosotasuna hobetze aldera". Enpresa onuradunak lanak gauzatzeko hiru hilabeteko epea izango duela zehaztu du foru erakundeak, eta aurreratu du orain lizitatzearen arrazoia dela lanak batez ere udan egin ahal izatea.
Hartxinga baliatuko dute konponketak eta tratamenduak egiteko tokiko zein auzo sareetan, "pitzadurak, zuloak eta deformazioak" konpontzeko, ohar batean aldundiak iragarri duenez. Zehazki, hauek dira hobetuko dituzten tarteak:
Tokiko sarean:
- A-3022: Etura parean.
- A-3104: Zekuianotik aurrera.
- A-3226: A-124 errepidearekiko Lasernako bidegurutzetik Oioneraino.
- A-3320: A-2622 errepidearekiko bidegurutzetik Angostoraino.
Auzo sarean:
- A-4005: Dallorako sarbidea (Lautada).
- A-4138: Txintxetrurako sarbidea (Lautada)
- A-4154: Urturirako sarbidea (Mendialdea).
- A-4338: Lalastrarako eta Valderejoko Parke Naturalerako sarbidea (Añana).
- A-4342: geltokiaren auzoaren eta Manzanos herriaren artean (Añana).
- A-4604: Lekamañako sarbidea (Aiara).
- A-4608: Aloriarako sarbidea (Aiara).
- A-4619: Ozekarako eta Luxorako sarbidea (Aiara).
- A-4620: Beotegi eta Kexaa artean (Aiara).