Atzoko tristura meteorologikoa gaurkoan ere mantenduko da, zeru estaliekin eta euri txikiekin. Arratsalderako, ordea, Euskametek dio atertzera egingo duela, hodeiak gutxituz joango omen direlako. Haizea, baina, indartuko da une horretan, iparretik. Tenperaturak 8 eta 13 gradu artean mantenduko dira.
Biharko, antzeko agertokia izango dugu aurrean, eguzkiaz gozatzeko tarte handiegirik gabe. Haizea ere, berdintsu, iparraldetik, eta bolada gogor batzuekin. Tenperaturen tartea bere horretan mantenduko da biharkoan: 8 eta 14 gradu artean.