Behin goizean goizeko lainoak pasata, ateri mantenduko da ortzia, batez ere egunaren erdian. Hotza, ordea, ez da desagertuko: -3 eta 8 gradu arteko aldea espero da gaurkorako. Gau honetan, hain justu, Euskalmetek abisu horia mantendu du, tenperatura baxuengatik. Lurmen egonda, izotza sortzeko arrisku handia egongo da, beraz. Arratsaldearen amaierarako hodeiak pilatuko dira. Haize aldakorra izango dugu, ahul-bizia.
Asteazkenean hodei horiek mantenduko direlakoan dago meteorologia agentzia, eta egun osoan zeru estaliak izango ditugu. Haizeak ahul-bizi joko du, mendebaldetik. Tenperaturei dagokienez, udaberriaren etorrera ospatzeko erosi zenuen mauka motzeko alkandora hawaiiar hori armairuan mantendu beharko duzu: -1 eta 9 gradu artean mugituko da termometroa.