Goizean goiz lainoak izango ditugu, eta egunean zehar hodeiak eta eguzkia tartekatuko dira. Iparretik joko du haizeak, ahul eta aldakor, zenbaitetan gogorrago. Hotz handia egongo da: -4 eta 5 gradu artean. Horregatik, hain justu, gaurko eta biharko gauetarako abisu horia ezarri du Euskalmetek.
Biharko, antzeko giroa espero izatekoa da, baina tenperaturak zertxobait igoko dira: -2 eta 8 gradu arteko aldea iragarri du meteorologia agentziak. Gainerakoan, hodeiak eta hodeiarteak ibiliko dira zeruan, norabide aldakorreko haize ahularekin batera.