Baserri batek su hartu du gauez Markuartu gainean, Okondon, eta honetan, 80, 82 eta 85 urteko hiru anai-arreba hil dira. 04:30ean antzeman dute sua, eta Laudio eta Langraiz Okako suhiltzaileak bertaratu dira, baina ordurako "erabat kiskalita" zegoen baserria. Sutea zerk piztu duen ikertzen ari dira orain.
Ramiro Gonzalez Arabako ahaldun nagusia eta Jon Eskuza Okondoko alkatea han izan dira, gertaturikoa bertatik bertara ikusteko. "Izugarrizko sutea eta oso egoera latza, Araban urte askoan gertatu ez dena. Min sakon bat dugu. Gure doluminik beroena familiari, inguruan oso ezaguna eta maitatua, eta egoera sendotasun eta min handiz eramaten ari dena", esan du Gonzalezek. "Herri txikia da gurea, denok ezagutzen dugu elkar, eta shock egoeran gaude, oso triste", nabarmendu du Eskuzak.
Importante incendio de un caserío en el alto de Malkuartu en Llodio, posibles víctimas en su interior pic.twitter.com/TmlU81QVcC
— Arabako Foru Suhiltzaileak (@BomberosAraba) March 24, 2022