Estalita hasiko dugu eguna, baina arratsaldean hodeiak gutxituko direla espero izatekoa da. Euri arinen bat ere egon daiteke egunaren hasieran. Haizeak iparretik joko du, ahul-bizi, baina zenbaitetan indartsu. Tenperaturen tartea 5 eta 9 gradu artean ibiliko da.
Asteburuari begira, giro atseginagoa izango dugu. Larunbatean zein igandean antzeko patroia errepikatuko da zeruetan: goizean goiz lanbro batzuk agertuko dira, baina, gainerakoan, hodei gutxi izango ditugu. Eguzkiaz gozatu ahalko da gehienetan. Haizeak gogor joko du zenbaitetan, bereziki haizeguneetan. Hurrenez hurren, larunbatean eta igandean 4-14 eta 7-12 gradu arteko aldeak izango ditugu termometroan.