Goizean goiz lainoak agertu daitezke, batez ere lurraldearen hegoaldean. Gainerakoan, atzo baino hodei gutxiago ikusiko ditugu zeruan. Agertzen direnak erdi eta goi mailakoak izango dira. Hego-ekialdeko haize bizia izango dugu, zenbaitetan zakar. Tenperaturei dagokienez, aspaldiko partez bero apur bat izango dugu: 9 eta 17 gradu arteko aldea espero da.
Asteazkenean, baina, hodeiak itzuliko dira, bereziki arratsaldean. Azken ordu horien bueltan euria ere bota lezake. Haize indartsua mantenduko da, norabide aldakorrekoa. Termometroak bezperaren bidetik jarraituko du, 8 eta 16 gradu artean.