Azken asteetan argazki lehiaketa berria antolatu dugu ALEAn, aurtengo inauterietako irudiak biltzeko asmoz. Martxoaren 7tik 13ra bitarteko bozketa epea agortuta, epaimahia eta publikoa ados jarri dira lan irabazlea aukeratzeko: Garazi Loyarte Villarren Prest! argazkia.
ALEAren lantaldeak osatutako epaimahaiak, Loyarteren argazkiaren kalitate aparta kontuan hartuta, Errigorako saskia berari esleitzea erabaki du; izan ere, sari horrek produktu gehiago ditu. Gainera, lehen hiru argazki bozkatuenak egile berarenak dira.
Bestalde, bi irabazle izendatzeko konpromisoari eutsiz, publikoaren saria Maria Esther Zubiaurreren Koloreztatu zuri-beltza argazkiari ematea erabaki du ALEAren lantaldeak, laugarren argazki bozkatuena izan arren. Hortaz, Victofer dendako saski bat eramango du egileak.
Garazi Loyarte Villa - Prest!
Maria Esther Zubiaurre - Koloreztatu zuri-beltza
