Zeru hodeitsua mantenduko da gaurkoan, baina goizean bederen erdi edo goi mailako hodeiak izango dira. Eguerditik aurrera euria egingo duela aurreratu dute, baina, antza, ur gehiegi ez du botako. Ekialdetik joko du Eolok, ahul-bizi. Bereziki arratsalderako gogorragoa izan daiteke haizetea. Aldaketa askorik ez tenperaturetan: 4 eta 10 gradu artean ibiliko da termometroa.
Biharko, zeru garbiagoak aurreikusi ditu meteorologia agentziak. Haizea hego-ekialdetik joko du, bizi, eta gogorrago egingo haizeguneetan. Bereziki nabarmena izango da tenperaturen gorakada: 9 gradutan hasi eta 17 gradutara igo daiteke galinstanoa.