Eusko Legebiltzarreko hauteskundeak orain egingo balira, PSE-EE eta Elkarrekin-Podemos alderdiak izango lirateke Arabako emaitzetan aldaketak izango lituzketen alderdi bakarrak. Gaur Jaurlaritzak argitaratutako inkesta baten arabera, sozialistek ordezkari bat gehiago lortuko lukete 2020ko hauteskundeekiko –Legebiltzarrean 5 ordezkari lortuta Arabatik–, alderdi moreak ordezkari bat galduko lukeen bitartean (bakarra izango luke).
Gainerako alderdiek gaur egun dituzten ordezkariak mantenduko lituzkete: EAJk 9 ordezkari aterako lituzke; EH Bilduk, 6; PPk, 3; eta Voxek, bakarra.
Erkidego mailan inkestak ez du marraztu aldaketa larregirik. EAJk gaur egun dituen 31 eserlekuak mantenduko lituzke Legebiltzarrean. EH Bilduk bat irabaziko luke (22); PSE-EEk, bi gehiago (12); Podemosek bi galduko lituzke (4), eta PPk bat gutxiago izango luke (5). Voxek orain duen ordezkaria mantenduko luke.
Erkidegoko hiru probintzietan abstentzioa %45 izango dela aurreikusi du inkestak