Euri pixka batekin hasi da eguna, baina goiza hobea izango dela espero da. Hobekuntzak ez du luzera iraungo, ordea, arratsaldean ere euria izango dugulako. Haizeak ahul joko du, mendebaldetik. Tenperaturei dagokienez, maximoetan nabarituko da aldaketa handiena, dezente jausiko direlako: 4 eta 10 gradu artean ibiliko da galinstanoa.
Bihar are kaxkarragoa izango da eguna, hodeiak eta euria izango ditugulako lagun. Haizeak ez du gogorregi joko, eta horrek eguna zertxobait eramangarriagoa egingo du bederen. Hozteko joeran jarraituko dute tenperaturek, 3 eta 9 gradu artean kokatuta.