Hodeiak eta ostarteak tartekatuko dira egunean zehar, baina orokorrean, egunak hobetzera joko du. Izan ere, arratsaldean hodeiak gutxituko dira, eta goiko geruzetan baino ez dira mantenduko. Haizeak ez du gogorregirik joko, ez bada haizegune jakinetan. Izotzaldiren bat eman badaiteke ere, tenperatura atseginak izango ditugu, 5 eta 12 gradu artekoak.
Ostegunean gauzak are txukunago joango dira, eguraldiari dagokionez bederen. Goizean goiz lainoak agertu daitezke, eta tarteka hodeiak egon daitezke, baina, oro har, zeru oskarbiak eta eguzkia espero dira. Hegoaldeko haizea ibiliko da, eta tenperatura maximoak are gehiago igoko dira: eguneko tartea 5 eta 14 gradu artean ibiliko da.