Zeru estaliak mantenduko dira astearte honetan, batez ere goizean. Arratsalderako horiek zerbait gutxituko direla espero da, erdi edo goi mailako hodeiak sartuko direlako. Zaparrada txikiak egon daitezke. Elur kota 800-1.000 metroren bueltan egongo da —arrisku horrengatik, abisu horia emana zuen Euskalmetek gau honetarako—. Mendebalde osagaiko haize ahul-bizia joko du, zenbaitetan zakar. Tenperaturei dagokienez, 3 eta 10 gradu arteko aldea espero da.
Asteazkenak antzeko ibilbidea izango du. Zeru hodeitsuak, baina zerua garbitzen joango da egunak aurrera egin ahala. Norabide aldakorreko haizea espero da, bolada gogor batzuekin. Tenperatura epelagoak izango ditugu, 5 eta 12 gradu artekoak.