Zeru oso hodeitsua iragarri dute gaurkorako. Gainera, arratsaldean eta gau partean euria egin lezake. Ipar-mendebaldetik joko du haizeak, zakar. Tenperaturei dagokienez, maximoetan nabarituko da alde gehiena, ez baita pasako 9 graduetatik. Minimoak 3 graduren bueltan finkatu dituzte, Gasteiz aldean bederen.
Bihar ere hodeitzak gurean geratuko dira, eta goizaldean zaparrada batzuk bota ditzake. Haizeak ipar-mendebaldetik ufa egingo du, bolada gogorrekin, azken orduetan hego-mendebaldeko osagaia hartuko badu ere. Tenperaturak apenas mugituko dira: 4 eta 9 artean ibiliko da termometroa.