Datorren asteartean, otsailaren 8an, Espainiako Gobernuko Ministroen Kontseiluak bertan behera utziko du aire zabalean musukoen derrigortasuna agintzeko abenduaren 22an ezarritako agindua. Lehenago, astelehenean, lurralde arteko ezohiko Osasun Kontseilua egingo dute; Ministroen Kontseiluaren ostean, agindu berria asteazkenean argitaratuko dute Estatuko Aldizkari Ofizialean, eta ostegunean, otsailaren 10ean, sartuko da indarrean.
Datu epidemiologikoen azken egunetako hobekuntzak ahalbidetu du maskarari kalean agur esatea. Nolanahi ere, espazio publiko itxietan derrigorrezkoa izaten jarrituko du, seigarren olatuari aurre egiteko abenduan ezarritako neurrien aurretik zeuden baldintza berberetan.
Carolina Darias Espainiako Osasun sailburuak gaur goizean eman du erabakiaren berri, SER irratian egindako adierazpen batzuetan.