Bai gaurko zein biharko abisu horia eman du Euskalmetek, gauean zehar izotza sortzeko arriskua dagoelako. Gainerakoan, zeru oskarbiak izango ditugu, behin goizetako lanbroak igota.
Goizean goiz lanbroak izango dira, baina ondoren zeru garbiak izango ditugu, hodeiren batekin zipriztinduta. Hegoaldetik joko du haizeak, ahul-bizi, bolada gogor batzuekin horretarako joera dagoen tokietan. Tenperaturak -3 eta 9 gradu artean ibiliko dira, izotza sortzeko arriskuarekin.
Asteartean antzera ibiliko da giroa. Behin lanbroa altxatuta, zerua ia-ia oskarbi geratuko da. Hegoaldeko haizea mantenduko da, arratsalderako ekialdeko osagaia har badezake ere. Tenperaturak bere horretan mantenduko dira, izotzerako tartea utzita.
ALBISTEAK MUGIKORREAN
ALEAren albisteak Whatsapp edo Telegram bidez jaso nahi dituzu?
WHATSAPP: Bidali ALEA hitza 645 66 86 02 telefono zenbakira.
TELEGRAM: Batu zaitez @ArabakoALEA kanalera.
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?
Izan zaitez ALEAkide
