EGURALDIA

Giroa are gehiago hozpilduko da

Datozen egunotan zeru ateriak mantenduko dira, eta bereziki goizean goizeko eta gaueko hotza izango da protagonista.

Goizeko lanbroak igarota, ostegun garbia izango dugu, bai eta hotza ere. 00:00etan hasita eta 10:00etara, abisu horia ezarri du Euskalmetek, tenperatura baxuak eta izotza sortzeko arriskua direla eta. Gasteizen, adibidez, -4º C-ko tenperatura minimoak espero dira. Eguzkiak berotzen joan ahala, termometroa 7 gradutara helduko da gehienez. Haizea ahul-bizi ibiliko da, hegotik.

Ostiralerako, ia-ia patroi berdina errepikatuko da. Goizean, lanbroa; ondoren, zeru oskarbiak. Haizeak ere hegoaldetik joko du bereziki, eta are hotz gehiago egingo omen du. Asteburuari begira, eguzkia bai, baina bufanda jarrita marianitoa hartzeko moduko egunak izango dira.

ALBISTEAK MUGIKORREAN

ALEAren albisteak Whatsapp edo Telegram bidez jaso nahi dituzu?

WHATSAPP: Bidali ALEA hitza 645 66 86 02 telefono zenbakira.

TELEGRAM: Batu zaitez @ArabakoALEA kanalera.


ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu?


Izan zaitez ALEAkide