Juan Cruz Jainaga izango da Legutioko alkatea aurrerantzean, Jon Zuazoren ordez (EH Bildu). Zuazok gaur aurkeztu du dimisioa, arrazoi pertsonalengatik.
Juan Cruz Jainagak 62 urte ditu, Legution bizi da eta ostalaritzan dihardu. "Ilusioz" hartu du kargua eta orain arte Jon Zuazok egindako lana eskertu du, alkatetzatik zabaldutako oharrean azaldu moduan. Izendapena datozen egunetan gauzatuko da.