Zeru hodeitsu eta euritsua izango da gaurkoa, batez ere goizez. Haizeak ipar-mendebaldetik joko du, baina aparteko abiadurarik gabe. Tenperaturei dagokienez, termometroa 4 eta 7 gradu artean mugituko da Gasteizen eta inguruetan.
Larunbatean, goizez lanbroa egongo da, eta gaurko hodeiak mantenduko dira, batez ere goizean. Egunaren erdialdean hodei horiek urriagoak izango dira. Haizeak batez ere mendebaldetik joko du. Zenbait puntutan izotza sor daitekeela ohartarazi du Euskalmetek. Izan ere, minimoak dezente jaitsiko dira, tenperaturen tartea 2 eta 7 gradu artean kokatuta.
Iganderako ere hodeiak espero dira, bai eta euri txiki-ertaina ere. Haizea bezperako norabidean mantenduko da, mendebaldetik temati, baina zenbaitetan iparretik egingo du. Tenperaturetan bederen hobekuntza egongo da, 5 eta 11 gradu artean ibiliko baitira.