Jaiegunak aproposak dira jolasa eta hezkuntza uztartzen dituzten ikastaroak antolatzeko. Hori dela eta, Eszena-Arte Tailerrak gabonak aprobetxatuko ditu berriro jarduera berezi bat antolatzeko. Abenduaren 27tik 31ra, antzerkia eta zirkoa batzen dituen kurtsoa garatuko da; 6 eta 10 urte bitarteko haurrentzat izango da, Errege-Erregina Katolikoak kaleko lokalean.
Antzerkia eta Zirkoa Gabonetan ikastaroa bost egunetan zehar izango da Gasteizko antzerki eskolan; txikiek, alde batetik, oholtza eta talde-lanarekin eta, bestetik, akrobazia, malabareak eta oreka-jokoekin gozatu ahal izango dute. Eszena-Arte Tailerrak proposatuko du gorputz-jolasez betetako kurtsoa, euskara eta gaztelania nahastuz garatuko dena.
Hitzordua goizez izango da egunero, 10:00etatik 13:00etara, eta, nola ez, neurri sanitarioak beteko dira. Informazio gehiago eta izen-ematea egiteko, 945-28 45 42 telefonora deitu, administracion@porpolteatro.com helbide elektronikora idatzi, edo bulegora joan daiteke, Errege-Erregina Katolikoak kaleko 4.ean, astelehenetik ostiralera 09:00etatik 14:30era eta 16:30etik 19:00etara.