Zeru estaliak gaurkoan ere, euri egiteko aukera askorekin. Elur kota 800 metro inguruan egongo da goizean, eta are beherago egon daitekeela ohartarazi du Euskalmetek. Arratsalderako, berriz, kota igoko da. Iparretik haize biziak joko du, zenbaitetan oso bolada gogorrekin. Mendi inguruetan izotz txikia ager daiteke. 4-6 gradu espero dira Gasteiz inguruetan.
Ostiralerako ere zeru estaliak iragarri dituzte. Elur kota are gehiago igoko da, 1.200 metrora goizean, eta 1.500 metro ingurura arratsalde partean. Haizeak bere horretan jarraituko du, zakar eta iparretik. Tenperatura zertxobait hobeagoak izango ditugu, baina ez suziriak botatzen hasteko modukoak: 5 eta 8 gradu artean ibiliko da galinstanoa, txipa ez duten termometroen kasuan.