Arabako Aldundiak eta Euskal Herriko Unibertsitateak Henrike Knörr bekak abiaraztea erabaki dute, Araban euskararen erabilera aztertzea helburu duten ikerlanak bultzatzeko. Euskararen erabilerari buruzko ikerketa-lan monografikoak eta master amaierako eta gradu amaierako lanen proiektuak sustatzeko deialdia izango da.
Deialdi honetan master amaierako proiektuak lehenetsiko dira, baina ikerketa edo gradu amaierako proiektu monografikoak ere onartuko dira, ondorengo tesiak bultzatzeko helburuarekin, baldin eta ikergai nagusia euskara erabiltzea bada, edozein jakintza-arlotatik aztertuta. Edonola ere, unibertsitateko irakasle doktore batek proiektua bermatu beharko du.
Aste honetan bertan, Arabako ahaldun nagusi Ramiro Gonzalez Henrike Knörren alargun Txari Santiagorekin eta haren alaba Iruri Knörrekin bildu da, eta Gasteizko EHUko Letren Fakultateko katedradun izandakoaren figura aztertu du. "Erreferente den euskaltzale eta euskaltzaleari egiten zaion omenaldi xumea da, denok harro gauden arabarra", adierazi du Gonzalezek, "Euskal Filologia fakultatea ez litzateke posible izango bera eta Koldo Mitxelena gabe, bere eragile nabarmenetako bat izateaz gain".