Gaur hasi da Merkalan, Lanbideren enplegu eta formakuntza azoka. Merkalan azokaren edizio hau bitarikoa izango da, birtuala eta presentziala, eta bi eguneko iraupena izango du: azaroaren 15a eta 16a. Plataforma birtualean leku bat du Lansarean lan-atariak eta bertan webgunearen inguruko argibideak jaso ahal izango dituzue.
Plataforma birtualaren bidez erabiltzailea, enplegu-eskaintzetara, formakuntza-aukeretara eta web-mintegietara sartu ahal izango da. Horrez gain, enpresekin harremanetan jarri ahal izango da, eta azaroaren 15erako eta 16rako lan-elkarrizketak adostu ahal izango ditu.
Izan zaitez ALEAkide!
ALEA da Arabako euskarazko aldizkari bakarra, eta zu bezalako irakurleen babesa behar du aurrera egiteko. Zuk ere gurekin bat egin nahi al duzu? Aukera ezberdinak dituzu gure proiektuarekin bat egiteko.