Astearte honetako 13:45ak aldera, Larrialdi Zerbitzuak mobilizatu dituzte, Gasteizko Mendietako Bustuko Ganeko gailurretik (976 m) jaisten ari zenean min hartu duen mendizale bati laguntzera. SOS Deiak 112 zerbitzuari jakitera eman diotenez, mendizaleak hautsiren bat izan zezakeen hanka batean; hortaz, ezin zen ibili eta ezin zion bideari bere kabuz jarraitu.
Ertzaintzaren helikoptero bat, Zaintza eta Erreskate Unitateko Mendiko Ataleko agenteak eta Gasteizko suhiltzaileak bertaratu dira istripua gertatu den lekura, eta zauritua erreskatatu dute. Lehenik, suhiltzaileek zauritua artatu dute, eta, ondoren, Ertzaintzaren helikopteroak hartu eta Lakua auzoko errugbi zelairaino eraman du. Bertan zain zegoen Osakidetzaren anbulantzia batek Txagorritxu ospitalera eraman du.