Espero bezala, hodeitsua atera da ostirala, eta, zenbait euri zaparradak ere izan dira. Ipar haizea zakar ibili da, eta giroa gaiztotu du.Giro desatsegin hau asteburuan ere mantenduko da.
Larunbatean, lainoa iragarri dute goizerako, eta euria egoteko arriskua bada ere. Hodeirik trinkoenak goizerako espero dira, baina eguerdi aldera eguzki printzaren bat ikusteko aukerak daudela dio Euskalmetek. Ipar haizea mantenduko da, eta ez du lagunduko giroa epeltzen: termometroa 4 eta 8 gradu artean ibiliko da.
Iganderako, antzeko giroa. Zeru hodeitsua, noizbehinka euria egiteko aukerarekin, batez ere arratsalde partean. Haizea, bere horretan, iparraldetik. Antzeko tenperaturak espero dira, bezperan baino zertxobait epelagoak, baina ez mahuka motzetan ibiltzeko modukoak: 5 eta 10 gradu artekoak izango dira.