Zeru hodeitsuak eta euri txikiak iragarri dituzte gaurkorako. Haizeak mendebaldetik edo ipar-mendebaldetik joko du. Halere, tenperaturetan dator aldaketarik nabarmenena: minimoak antzera ibiliko dira, 5 graduren bueltan, baina maximoak ez dira 10 gradutik pasako.
Biharko, antzeko menua: zerua oso estalita egongo da, eta euria egiteko aukerak egongo dira, batez ere goiz partean. Haizearen norabidea berdin mantenduko da, eta tenperaturen tartea 5 eta 9 gradu artean kokatuko da.
Ostiralean, zeru estaliak eta euria. Iparretik joko du haizeak, gau partean ipar-ekialde osagaikoa izatera pasatuko den arren. Tenperaturak are baxuagoak izango dira. 4 eta 8 gradu artean kokatuz.