Prentsa agentziek jakitera eman dutenez, astelehen goizean, 7:00ak aldera, Guardia Zibilak dispositibo bat jarri du abian Guardian (Arabako Errioxa), sumario-sekretupean dagoen operazio baten barruan. Antza denez, Guardiako dispositiboa dagoeneko itxi badute ere, operazioa zabalik dago eta EAEko udalerri gehiagotara zabaldu da.
Dirudienez, operatiboa Arabako hiriburura ere hedatu da; izan ere, Lakua auzoan Guardia Zibilaren zenbait mugimendu ikusi dira. Oraingoz, iturri ofizialek ez dute bestelako xehetasunik eman, operazioa sekretupean baitago.
Hala ere, operazioak armen eta drogen trafikoarekin lotura izan dezakeela zabaldu dute hainbat hedabidek. El Correo egunkariak, adibidez, honako lerroburua erabili du: "Kolpea Arabako gazte delinkuentziari"; ikusteke dago, ordea, iturri ofizialen arabera zeintzuk den operazioaren nondik norakoak.