Bonberenea Ekintzak zigiluaren eskutik, Karlos Osinagak grabatu du lana, Bonberenea estudioan. Euskarazko post hardcore doinuak eskainiko ditu Hamaika diskoak, This Is Fine debutaren jarraipen gisa.
Kresala singlearen bideoklipa Mikel Escalerak ekoiztu du. Kantu horrek Zaldibarko zabortegiko hondamendia du hizpide. 2020. urtearen hasieran, zabortegia eraitsi zen eta bi langile hil ziren hondakinek harrapatuta.
Urriaren 15ean, Jimmy Jazz aretoan aurkeztuko dute disko berria, Losado taldearekin batera, Cosmic Sessions egitasmoaren V. edizioan.