Euria iritsi da, eta, pilatzen ari den orbelarekin batera, udazken kutsua geratzen ari da gurean. Gaur oso hodeitsu mantenduko dela iragarri du Euskalmetek. Ohi bezala, zaparrada trumoitsuak arratsalde partean bilduko dira. Haize bolada gogorren bat ere espero da. Tenperatura tartean 17-24 gradutan ibiliko da.
Asteazkenean, zeru hodeitsua mantenduko da, zaparrada txikiekin. Hego haizeak tenperatura goxoak mantenduko ditu, baina arratsaldean iparraldetik joko du. Tenperaturak zertxobait jaitsiko dira.
Ostegunean, berriz, antzeko giroa, zaparradekin lagunduta. Egunaren bigarren partean hodeiak gutxituko direlakoan dago meteorologia zerbitzua. Tenperaturek behera joko dute: Gasteizen, 13 gradutako minimoak eta 20 gradutako maximoak.