1181ean, Gasteiz herrixkak Nova Victoria izena hartu zuen Antso VI.a Jakitunaren eskutik, Gaztelako Erresumaren aurreko defentsa-lerroan. Gainera, Nafarroako erregeak foruak eman zizkion hiri berriari. 1200. urtean, Gaztelako Erresumaren mende geratu zen, Alfontso VIII.a Gaztelakoa erregearen tropek hiriaren kontrola hartu zutenean.
Alavesek gertakari historiko hura omendu nahi izan du Loriatsuen (emakumeen taldea) zein Miniglorias (Alaves B) taldeen ekipamendu alternatiboan.
Hain zuzen ere, 1181ko Foruaren dokumentuaren zigilua ekipamendu berri horren mahuketan ageri da, eta patroi bat osatzen du kamiseta osoan zehar. Armarria kamiseta gorriaren erdian dago, eta aurrealdean Gasteiz hiriko lau dorreen skyline-a ageri da. Elastikoak ehun transpiragarria du, eta Kelme kirol enpresaren eskutik iritsi da.
Kamiseta berria eta aurtengo ekipamendu guztiak Baskonia-Alaves taldearen online dendan eskuratu daitezke, baita General Alava kaleko Baskonia-Alaves Experience Store dendan ere.
