Abuztu betean, udazken giroa bere horretan mantenduko da. Goiz hodeitsua izaten ari da, baina arratsalde partean horiek gutxituko direlakoan dago Euskalmet. Ostarte zabalak irekiko dira, baina ez dute luze iraungo. Egunaren amaierarako, zerua berriz ere estalita egongo da. Haize ahularekin batera lagunduta etorriko dira hodeiok, eta tenperatura maximoek behera egingo dute.
Larunbaterako, berriz, zeru hodeitsua espero da, eta euri zaparrada txikiak ere egon litezke. Arratsaldean haizea harrotuko da.
Igandean ere, hodeiak izango dira protagonistak, baina arratsalde partean ostarte zabalak irekiko direla aurreikusi du meteorologia agentziak.