Arabako Aldundiak lurraldean sakabanatuta dauden lagez kanpoko hainbat hodakindegi desagertarazteari ekingo dio. Atzo egindako Gobernu Kontseiluak erabaki zuen 264.990 euro bideratzea zeregin horretarako.
Besteak beste, Caicedo Yuson, Uribarri Aranean, Aldan, Pagoetan, Bujandan, Izarran eta Abornikanon dauden guneak lehenengoratuko dituzte. Bertan, hondakin kutsagarriak jasokok dituzte eta zabortegi baimenduetara eramango dituzte. Azkenik, kaltetutako lursailak lehenengoratuko dituzte, zeregin horietan erabili ohi diren teknikak baliatuz.
Aldundiak ohar batean esandakoaren arabera, azken urteotan ingurumen baldintza eskasak eta ingurumen inpaktu handia dituzten eremuetan "asko aurreratu den arren", oraindik ere lurraldean isurketa kontrolatugabeen eremuak daude. Horietako batzuek naturagune babestuei eragiten dietela onartu dute; "beste batzuk ingurumen sentsibilitate handia" duten eremuak dira.