Zaballako espetxeko modulu bateko hamalau presok positibo eman dute. Espainiako Espetxe Erakundeetako Idazkaritza Nagusiak jakinarazi duenez, asteazkenean atzeman zuten Covid fokua, 69 preso bizi diren moduluko presoetako bat sintoma arinekin hasi zenean. Antigenoen testa egin zieten, eta 13 kutsatze zenbatu zituzten, guztiak sintomarik gabekoak edo oso sintomatologia arinekoak.
Egoitza-modulu horretan dauden gainerako pertsonek negatibo eman dute, baina, prebentzioz, egunean zehar PCR bat egingo zaie. Modulu guztia koarentenan dago, eta positibo eman duten presoak bakartuta daude ziegetan.