Arai Konpartsa 2018ko udan eratu zuten Gasteizen, erraldoi eta buruhandien tradizioa, euskal kultur ondarea eta euskara sustatzeko eta zabaltzeko, eta, jakina, beren zerbitzua eskatzen duten hiri zein herrietako jaiak alaitzeko.
Musika, dantza eta folklorearekin zerikusia duten egitasmo guztiei gertatu zaien bezala, erraldoien konpartsa berri honen azken urte eta erdia Covid-19aren pandemiak markatu du. Hala ere, hirugarren urtemugari begira, hasitako bidean aurrera egiteko asmoa berretsi dute, eta kide berriak bilatzeari ekin diote.
Erraldoien ofizioa ikasteko eta ondo pasatzeko interesa duten lagunei animatzeko eta beraiekin harremanetan jartzeko gonbidapena luzatu diete. Horretarako, hainbat bide eskaini dituzte:
- Emailez: arai.konpartsa@gmail.com
- Instagram bidez: @AraiKonpartsa
- Facebook bidez: Arai Konpartsa