Aste honetan hasi dute, Gasteizko Andre Maria Zuriaren plazan, Go!azen 8.0 telesailaren denboraldi berriaren grabazioa. Hantxe elkartu dira Basakabi udalekura doazen ikasleak, batzuk lehen aldiz eta beste batzuk beste uda batez.
Gaur hasi ditugu denboraldi berriko grabazioak. ????????
— Goazen (@GoazenETB) June 29, 2021
Nora joan gara? Ezagutzen al duzue lekua? ????#Goazen8 #GoazenETB #GoazenAPP #etb1 https://t.co/JEeuEZ29hV pic.twitter.com/szj7eNz71v
Udazkenean izango dira ikusgai hamar atal berriak EITBn. Gasteizko hasierako grabazio honetaz gain, Donostian, Azpeitian, Bergaran eta Irunen ariko dira filmatzen abuztuaren 20ra arte. Aurten ere, casting-etik aukeratutako aktore gazte berriak izango dira telesailean: Malen Azpirotz (Iraia); Joanes Etxebeste (Ibai); Julen Castillo (Koldo); eta Iñaki Mujika (Unax). Horiekin batera, Maria Redondo, Danae Riaño, Ander Lacalle, Nerea Elizalde, Aitziber Errazkin, Lorea Intxausti eta Asier Burguete egongo dira dagoeneko aurretik ibili diren aktoreen artean.
Aurtengoan moldatuko dituzten abestien artean Bulego, ETS, Merina Gris, Alaitz eta Maider, Ruper Ordorika, Esti Markez, Olatz Salvador, Berri Txarrak, Gatibu, Nogen, Izaro, Izaki Gardenak eta Zetak talde eta musikarienak izango dira entzungai. Egun hauetan, gainera, bideoklipa grabatzen ari dira.