Joan den egunetako ekaitzak errepikatu daitezke hemendik gutxira. Izan ere, Euskalmetek abisu horia eman du, prezipitazio handiak espero direlako ostegun arratsalderako eta ostiralerako. Osteguneko 12:00ak eta ostiraleko 15:00ak bitartean ezarri dute abisu horia. Zaparrada ertainak eta trumoitsuak botako dituela aurreikusi dute. Horien ondorioz, ordubetean, metro koadroko 15 litro pilatu daitezkeela ohartarazi du meteorologia zerbitzuak.
Larunbaterako, baina, eguraldi hobea iragarri dute. Hodeiak mantenduko dira goizean, baina, pixkanaka, aterira joko du.
