Erabakitzeko eskubidearen aldeko Hamaika Gara egitasmoak Gasteiz dantzan jartzeko asmoa du larunbat honetan, maiatzaren 22an. Itziar Ituñok eta Duplak aurkeztu zuten dantza erronka egin nahi dute Foru plazan biltzen direnekin, 17:00etan. 'Hamaika Gara' abestiarekin prestatu duten koreografia egin nahi dute. Gainera, egun osoan zehar, erdigunean eta Alde Zaharrean informazioa banatu sinadurak jasotzen ibiliko dira erreferendumaren alde; igande eguerdian Salburuko parkearen sarreran izango dira.
Urkabustaizen, halaber, Izarra plazan bilduko dira 12:00tatik 13:30era. Herritarren aldarrikapenak pankartetan idatzi eta sinadura bilketaren inguruko informazioa zabalduko dute. Zigoitian, sinadurak biltzeko mahaia jarriko dute Bengolarra parkean, 12:00tatik 13:00tara. Eta Airaldeko jendea Amurriko plazara hurbiltzera animatu dute; 12:00tan. Prestatu duten erronka ezagutarazi nahi dute horietan.