Gasteizko aireportua 2019an hasi zen egun osoko jardunarekin, asteburuetan salbu. Gaurtik aurrera, ordea, larunbat eta igandeetan ere jardun ahal izango du, H-24 ordutegiarekin.
Horren aurretik, AENAk beirate berriak instalatu ditu kontrol-dorrean. Horrez gain, bi obra nagusi daude martxan edo egiteke: alde batetik, bidaiarien terminalaren berrikuntza datozen asteetan amaituko da (80ko hamarkadatik berdina izaten jarraitzen zuen); bestetik, Foronda inguruko herrietako 78 etxebizitza akustikoki isolatu beharko ditu AENAk, eta horretarako Ingurumenaren Jarraipen Batzordea eratu du.
El #Aeropuerto de #Vitoria ???? instala dos nuevas cristaleras en el fanal de la torre de control. pic.twitter.com/ofctCQE1cs
— Aena (@aena) May 19, 2021
Lehiakortasuna
Horrela, aireportuaren lehiakortasuna handitzen jarraitzea espero da, azken hilabeteetako joera mantenduz. Izan ere, Gasteizko aireportuko datuak oso positiboak izaten ari dira: aurtengo apirilean, 2020an baino %45,4 zama gehiago mugitu zuen, eta 2019an baino %17,1 gehiago. Datuak bereziki onak dira Bartzelonako (-% 27,3) eta Madrilgo (-% 15,7) aireportuen jaitsiera handiekin alderatzen badugu.