Ezustekoan, Baskoniak Frantz Massenat jokalariaren fitxaketa iragarri berri du. Aditzera eman dutenez, denboraldi amaierara arte akordioa lotu dute jokalariarekin. 1.93 metroko garaiera eta 29 urte dituen estatubatuarra (New Jersey), Italiako Legatik iritsiko da Gasteizera.
Base edo eskolta postuetan jokatzen duen jokalariak denboraldi honetan 11.2 puntu, 2.9 asistentzia eta 2.4 errebote lortu ditu bataz-beste Victoria Libertas Pesaroren elastikoa jantzita. Aldez aurretik bi denboraldi egin ditu aurretik Alemaniako ligan, eta aurreko denboraldian Morabanc Andorran jokatu zuen, Endesa eta Eurocup ligan. Jokalaria datozen orduetan iritsiko da Gasteizera dagokion azterketa medikoa egiteko.
Vildozaren agurrak eta azken asteetan izandako Covid positibo kasuek, taldea nahiko ahulduta utzi dute. Eta egoerari erantzuna emateko asmoz, Quino Colomen fitxaketarekin batera, iazko titulua defendatu ahal izateko taldea sendotzeko saiakera egin du zuzendaritzak.