Arabako Ogasun ikuskaritzak 91,9 milioi euroko iruzur fiskala aurkitu du 2020an, 3.595 esku hartzeren ondorioz. Iruzur hori 1.410 pertsona fisikori eta 2.185 pertsona juridikori dagokie, Diputazioak zabaldutako datuen arabera.
2019an baino 7,8 milioi euro izan dira iaz berreskuratutakoak. Pandemia zela eta, iaz maiatzaren 14tik ekainaren 1era prozedura administratiboak bertan behera utzi behar izan zituztela argudiatu du Ogasun diputatu Itziar Gonzalok. "Bestetik, argi daukat urtetik urtera iruzurraren aurkako borroka gero eta eraginkorragoa dela", erantsi du.