Araba, Bizkaia eta Gipuzkoa irekita geratuko dira igandean, alarma egoeraren amaierarekin batera. Gainera, Urkullu lehendakariak etxeratze aginduarekin jarraitzeko zuen asmoa ere baztertu dute epaileek, baita lau pertsona baino gehiagoko bilkuren debekua ere.
EAEko Auzitegi Nagusiak arratsaldeko lehen orduan hartu du erabakia. Hurrengo orduetan lehendakariak LABI instituzionala bilduko du, eta maiatzaren 9tik aurrera indarrean egongo diren behin betiko neurriak adostuko dituzte. Urkulluk iragarri zuenez, Eusko Jaurlaritzak ez du Espainiako Auzitegi Gorenean helegiterik jarriko.