Montse Casas Cabanas CIC Energigune zentroko ikertzailea saritu du Espainiako Kimikako Errege Elkarteak, 2021eko Ikerlari Gaztea sariko Taldeko liderra modalitatean. Energia elektrokimikoaren biltegiratze arloko koordinatzaile zientifikoa da Casas. Bere ikerketa lana energiaren biltegiratzearen barruko material funtzionalen diseinuan eta horietan gertatzen diren fenomenoen azterketan oinarritu da, erakundeak helarazitako prentsa ohar baten arabera.
Besteak beste, FAULTS programaren garapenean parte hartu du ikertzaileak. Bertan, baterietan gertatzen diren hainbat akats ikertu eta, horietan oinarrituta, bateriak hobetzeko moduko irakaspenak ateratzen dituzte. Modu berean, material berrien garapenean parte hartu du kimikariak.