Urtarrilean, Pablo Machin entrenatzailea ordezkatzera iritsi zen Abelardo, baina oso bolada txarra kateatu du azken partidetan, eta une honetan sailkapenaren azken postuan dago Alaves. Bederatzi partida falta dira, eta horietako bakoitza final bat izango da taldearentzat.
Egoera latz horren aurrean, astearte honetan, Mendizorrotzeko prentsa aretoan, Alavesek Javier Calleja (Madril, 1978) entrenatzaile berria aurkeztu du, Alfonso Fernandez de Troconiz presidentearekin eta Sergio Fernandez kirol zuzendariarekin batera. Denboraldia amaitu arte izango da karguan, Lehen Mailari eusteko helburuarekin.
"Oso pozik nago Alaveseko entrenatzailea izateagatik. Hasieratik ez da zalantzarik izan; erronka handia eta zaila da, baina horrek ilusioa ematen digu eta aterako dugula ziur gaude", azpimarratu du Callejak. Fernandez de Troconizek ongietorria eta eskerrak eman dizkio "erronka zail hau" onartu izanagatik; Sergio Fernandezek "hartutako erabakiarekin asmatu" dutela uste du, "ezarritako helburuak betetzeko".
???? @javiercalleja_-ren lehenengo saioa Deportivo Alavesen ????#GoazenGlorioso ???? pic.twitter.com/8U2l94XDkB
— Deportivo Alavés (@Alaves_eus) April 6, 2021