Irakurketa eta sormena uztartzeko asmoarekin, gazteei zuzendutako hainbat saio antolatu dituzte Ignacio Aldekoa kultur etxean. Patxi Zubizarreta idazlea gidari, Arabako gazteek literaturan barneratzeko aukera izango dute apirilaren 24tik aurrera; hain zuzen, DBHko 3. mailatik Batxilergoko 2. mailara bitartean ikasten ari direnentzako proposamena izango da.
Ikasturte amaiera bitartean, lau saio egingo dituzte, bi astez behin, 10:00etatik 12:00etara, eta hurrengo ikasturtean jarraituko dute. Irakurgaiak landu eta, ostean, idazketarako tartea ere izango dute parte-hartzaileek. Interesa duten gazteek Floridako kultur etxean izena eman beharko dute, apirilaren 17a baino lehen; bibliotekako haur eta gazte sailean, lehen solairuan.