Askotariko krisiei aurre egiteko, ekonomia eraldatzaileei buruzko solasaldi zikloa antolatu dute Arabako Pentsionistak Lanean eta Gaur Geroa taldeek. Ekonomia zirkularra, zainketen ekonomia eta ondasun komunaren ekonomia izango dituzte solasgai. Otsailaren 23an, martxoaren 2an eta martxoaren 3an izango dira horiek, Gasteizko Aldabe gizarte etxean.
Bihar, otsailak 23, abiatuko da zikloa. Ekonomia zirkularraren mugak aztertuko dituzte lehendabiziko saioan, Unai Villalba EHUko Ekonomia iraunkorreko irakaslearen eskutik. Hurrengo asteartean, martxoak 2, zainketen ekonomia feminista jorratuko dute, Tania Cañas Siriany feminista eta arrazismoaren aurkako militantearekin. Martxoaren 9an, berriz, ondasun komunaren ekonomia izango du hizketagai Javier Goikoetxeak Bikonsulting eta BIKO Planaren sortzaileetako batek.
Hitzaldiak Aldabe gizarte etxeko areto nagusian izango dira, 18:30ean. Sarrera doan izango da, edukiera bete arte.